Dinamizazio Sociokulturala

Zerbitzu honen xede nagusia da pertsonen bizi-kalitatea hobetzen laguntzea, gizarte egiturak aldaraziko dituzten balioak, jarrerak eta pentsamoldeak eskuratzen laguntzea, eta udalerriko zein eskualde osoko banakakoen eta taldeen ongizatea lortzea. Horretarako, kultura, gizarte, aisialdi-hezkuntza, prestakuntza-jolas eta kirol arloan esku hartzeko proiektuak antolatu eta sustatuko dira, Mankomunitateko zein tokian tokiko erakunde zehatzetan egon daitezkeen interesak, nahiak eta eskariak betetzeko.

Kasu honetan, zerbitzu soziokulturala hainbat udal-bulegotan ematen da, Aiarako, Artziniegako eta Okondoko udaletxeetan. Eta Aiarako Kuadrillako Laudioko eta Amurrioko udalei dagokienez, zerbitzua udaletxeetan dauden arloekin lankidetzan ematen da etengabe.

Udalerri horietan guztietan zerbitzu soziokulturalak banaka antolatzen dituen jarduera eta programez gain, jarduera bateratuak ere antolatzen dira. Horietan, Aiarako Kuadrilla osatzen duten bost udalerriek laguntzen eta parte hartzen dute. Beraz, eskualdean bizi diren guztientzat dira; besteak beste, “Aiarako Kuadrillako Adinekoen Topaketa”.

Dinamizazio soziokulturala zerbitzuaren asmoa da udalen, kolektibo sozialen zein banakoen eskaerei erantzutea. Hori dela eta, laguntza eskaintzen zaie informazioa eta aholkularitza behar dituzten eskualdeko elkarte soziokulturalei eta herritarrei.